关于广州市2中高中部

关于广州市2中高中部

我以前2中嘅，拍拖圣地呢就唔敢讲啦，嗰啲训导主任捉得几劲，我哋有排连孤男寡女一齐行都唔得，不过都几多人拍拖，睇你技巧啦；活动的确几多；的确日日都要晨跑，要签到，而且好难请假，如果你要请假就要拿医生纸，先过校医院嗰关，呢关难过，校医院好难批假条，考验你精湛嘅演技，如果无校医院认可嘅假纸而又俾人捉到你无晨跑，咁就要扣分兼罚跑啦；功课，同其他学校嘅对比唔算多，而且假期一般都唔会缩水；头发有要求，男嘅太长会要求要去铲短，严重者就由学校代劳，帮你铲头发，女仔一般唔好披头散发好似贞子咁就得啦；伙食几好，几多品种；手机话唔可以喺教学区出现，不过你唔好太放肆就无问题嘅，主任嚟时记得收好；会有突击检查，不过好多时系学生检查，考你人际关系同临场反映，一般问题唔大；晚黑一般10点半后熄灯，有人巡楼，唔俾吵闹，否则登记扣分；朝早6点15左右起床，有哨声晨跑，限时集合；7~9堂课左右啦，一日肯定有时间俾你打波；无特殊，周五下午可以翻屋企，周日下午回校；老师睇你RP，个人感觉唔严。